हिंगणघाट शहरांतून गेलेला NH 44 राष्ट्रीय महामार्गावर दुसऱ्यांदा पडले भष्ट्राचाराचे भगदाड

हिंगणघाट :-हिंगणघाटच्या नांदगाव चौकात असलेल्या उडान पुलाच्या सदृढतेवर एक गंभीर प्रश्न उभा राहिला आहे. चार वर्षात या पुलावर दुसऱ्यांदा भगदाड पडले आहे, आणि आता एकच पुनरावृत्ती झाली आहे. यामुळे स्थानिक नागरिकांमध्ये चिंता आहे, कारण हा महामार्ग हा अत्यंत महत्त्वाचा असून, त्यावर अपघात किंवा अन्य मोठ्या घटना होण्याची शक्यता वाढली आहे. स्थानिक नागरिक आणि प्रवाशांना असं वाटतं की पुलाची दुरुस्ती वेळेवर केली गेली असती तर हे संकट टाळता आलं असतं. स्थानिक नागरिक म्हणतात “चार वर्षात दुसऱ्यांदा असं घडणं खूपच धक्कादायक आहे. प्रशासन आणि कंत्राटदारांच्या कार्यशैलीवर प्रश्नचिन्ह आहे.”“हे एक मोठं धोका बनलं आहे. आम्ही तक्रार केली होती पण काहीच बदल झाला नाही.”राष्ट्रवादी काँग्रेस शरदचंद्र पवार पक्षाचे प्रदेश सरचिटणीस अतुल वांदिले यांनी या प्रकरणात कठोर कारवाईची मागणी केली आहे. ते म्हणाले, “शासकीय अधिकारी आणि कंत्राटदारांवर गुन्हे दाखल करणे आवश्यक आहे, जेणेकरून भविष्यकाळात अशी धोक्याची स्थिती टाळता येईल.”