दिनांक 08 व 09 जुलै रोजी राज्यातील सर्व शाळा बंद राहणार असल्याची मोठी अपडेट समोर येत आहे .या संदर्भातील सविस्तर अपडेट पुढीलप्रमाणे जाणून घेवूयात .
प्राप्त माहितीनुसार राज्यातील अनुदानित शाळेतील शिक्षक / शिक्षकेत्तर कर्मचारी दिनांक 08 व 09 जुलै रोजी शाळा बंद आंदोलन करणार आहेत . यांमध्ये राज्य सरकारने दिनांक 14.10.2024 रोजीच्या शासन निर्णयानुसार राज्यातील अनुदानित तसेच अंशत : अनुदानित शाळांना निधीची तरतुद करण्यात आलेली नाही .
तसेच सदर अनुदानित शाळांना पुढील वाढीव अनुदानाचा टप्पा देण्यात यावा , यासाठी दि. 01 ऑगस्ट 2024 पासुन राज्यांमध्ये सलग 75 दिवस राज्यातील जिल्ह्यातील विविध ठिकाणी आंदोलने केले गेले आहेत . या आंदोलनाची दखल घेत राज्य सरकारकडून दिनांक 10 ऑक्टोंबर 2024 रोजी राज्याचे मा.मुख्यमंत्री यांच्या अध्यक्षतेखाली संपन्न झालेल्या कॅबिनेट मंत्रीमंडळ मिटींगमध्ये राज्यातील अनुदानित शाळांना अनुदानाचा पुढील वाढीव टप्पा देण्याचे कबुल केले होते .
पंरतु अद्याप सदर मागणीवर सकारात्मक निर्णय घेण्यात आलेला नाही . यामुळे राज्यातील सदर अनुदानित / अंशत : अनुदानित शाळेतील कर्मचाऱ्यांना न्याय मिळत नसल्याने , प्रशासनाला सदर विषयाची आठवण करुन देण्यासाठी पुन्हा एकदा दिनांक 08 व 09 जुलै रोजी राज्यातील सर्व प्रकारच्या शाळा बंद ठेवून हजारो शिक्षक आझाद ..
मैदान येथे आंदोलन करणार आहेत . सदर आंदोलनाला महाराष्ट्र राज्य मुख्याध्यापक महामंडळ , महाराष्ट्र राज्य संयुक्त मुख्याध्यापक महामंडळ तसेच राज्यातील सर्व शिक्षक संघटनांकडून बिनशर्त पाठिंबा दिलेला आहे .
