माणुसकी शिल्लक राहिली का? पॅनिक अटॅक आलेल्या प्रवाशाच्या कानशिलात लगावली; Indigoचा व्हिडिओ व्हायरल

तुम्ही हा इंडिगो फ्लाईटचा व्हिडिओ पाहिल्यास तुम्हालाही हळहळून येईल. एका प्रवाशाला पॅनीक अटॅक आला. त्याचवेळी एअर होस्टेस त्याला मदत करत होती अस असताना आपण जर कुणाला मदत करू शकत नाही तर शांत राहायला पाहिजे मात्र या कलियुगात माणुसकी शिल्लक राहिलेलीच नाही हेच उदाहरण दिसत आहे…दरम्यान एका दुसऱ्या प्रवाशाने पॅनीक अटॅक आलेल्या प्रवाशाला जोरदार चापट मारली. यानंतर एका एअर होस्टेस ने, ‘सर असं करू नका, सर हे योग्य नाही…’ असं वारंवार चापट मारणाऱ्या प्रवाशाला सांगत होती, विनवणी करत होती. उपस्थित प्रवाशी देखील चापट मारणं योग्य नाही. तुम्ही असं कुणासोबत वागू शकत नाही,’ असं म्हणताना व्हिडिओत अगदी स्पष्ट दिसत आहे.

नेमका प्रकार काय?

मुंबईहून कोलकात्याला जाणाऱ्या इंडिगो एअरलाइन्सच्या 6E-138 या विमानात ही घटना घडली. विमानात एका प्रवाशाने अचानक दुसऱ्या प्रवाशाला चापट मारली. त्यावेळी पीडित प्रवाशाला पॅनिक अटॅक आला होता. हा सगळा प्रकार कॅमेऱ्यात कैद झाला असून त्याचा व्हिडिओ सोशल मीडियावर व्हायरल होत आहे.