अंतिम संस्कारसाठी आलेल्या इसमावर लोखंडी रॉडने हल्ला: पिपा गँगचा सहभाग असल्याचा संशय दोन अटक, दोघांचा शोध सुरू

नागपूर : तहसील पोलीस स्टेशन हद्दीत अंतिम संस्कारसाठी आलेल्या एका इसमावर गुरुवारी रात्री चार जणांनी लोखंडी रॉडने प्राणघातक हल्ला केला. या घटनेमुळे परिसरात खळबळ उडाली आहे.

फिर्यादी शाहरुख हा ढोबी अन्सार नगर येथे जात असताना चार आरोपींनी त्याला घेरले. लोखंडी रॉड व लाथाबुक्क्यांनी मारहाण करून जीवे मारण्याची धमकी दिली. या हल्ल्यामागे पिपा गँगचा सहभाग असल्याचा पोलिसांना संशय आहे.

घटनेनंतर जखमी शाहरुखने तक्रार दाखल केली. तहसील पोलीसांनी तत्पर कारवाई करत दोन आरोपींना अटक केली असून उर्वरित दोघांचा शोध सुरू आहे. हल्लेखोरांविरुद्ध जीवे मारण्याचा प्रयत्न, धमकी व मारहाणीचे गंभीर गुन्हे दाखल करण्यात आले आहेत.

या प्रकरणामुळे पुन्हा एकदा गँगवारची भीती नागपूरात डोकावू लागली असून पोलीसांनी पुढील तपास सुरू केला आहे.