मनपा आयुक्त व जिल्हाधिकारी यांची दीक्षाभूमीला भेट; धम्मचक्र प्रवर्तन दिनाच्या तयारीचा आढावा
धम्मचक्र प्रवर्तन दिनासाठी मनपाद्वारे करण्यात येत असलेल्या व्यवस्थेचा आढावा घेण्यासाठी मनपा आयुक्त तथा प्रशासक डॉ. अभिजीत चौधरी आणि जिल्हाधिकारी डॉ. विपिन इटनकर यांनी मंगळवारी (ता.१६) दीक्षाभूमी परिसराला येथे भेट दिली. यावेळी प. पु. डॉ. बाबासाहेब आंबेडकर स्मारक समितीचे पदाधिकारी यांच्यासमवेत आयुक्त आणि जिल्हाधिकारी यांनी संपूर्ण परिसराची पाहणी केली.
याप्रसंगी अतिरिक्त आयुक्त श्रीमती वसुमना पंत, अतिरिक्त आयुक्त श्रीमती वैष्णवी बी, पोलीस उपायुक्त श्री. एच ऋषिकेश रेड्डी, मुख्य अभियंता श्री. मनोज तालेवार, , उपायुक्त श्री. मिलिंद मेश्राम, उपायुक्त श्री. राजेश भगत, मनपाचे मुख्य अग्निशमन अधिकारी श्री. तुषार बाराहाते, मुख्य स्वच्छता अधिकारी डॉ. गजेंद्र महल्ले, वैद्यकीय आरोग्य अधिकारी डॉ. दीपक सेलोकर, लक्ष्मीनगर झोनचे सहायक आयुक्त श्री. सतीश चौधरी, कार्यकारी अभियंता सर्वश्री रवींद्र बुंधाडे, श्रीकांत वाईकर, नागपूर सुधार प्रन्यासचे कार्यकारी अभियंता श्री. चिमूरकर, डॉ. बाबासाहेब आंबेडकर स्मारक समितीचे डॉ. सुधीर फुलझेले, श्री. विलास गजघाटे, मनपाचे विभागीय स्वच्छता अधिकारी श्री. लोकेश बासनवार, लक्ष्मीनगर झोनचे झोनल अधिकारी श्री. ऋषिकेश इंगळे यांच्यासह आदी उपस्थित होते.
